पाणीपुरी

अॅव्होकॅडो साल्सासाठी साहित्य – दोन मध्यम आकाराचे अॅव्होकॅडो, अर्धा कप गर काढून चौकोनी तुकडे केलेले टोमॅटो, अर्धा कप बारीक चिरलेला कांदा, पाव कप उकडलेले मक्याचे दाणे, एक टीस्पून हिरवी मिरची, दोन टेबलस्पून बारीक चिरलेली कोथिंबीर, एक टेबलस्पून लिंबाचा रस, एक टेबलस्पून चाट मसाला, मीठ.

फळांचं पाणी बनवण्यासाठी साहित्य – घरी काढलेला अर्धा कप संत्र्याचा रस, अर्धा टीस्पून जिरेपूड, दोन टेबलस्पून पाणीपुरी मसाला, एक टेबलस्पून बारीक चिरलेला पुदीना, दोन टीस्पून बारीक चिरलेली कोथिंबीर, पाव टीस्पून आमचूर पावडर, पाव टीस्पून तिखट, पाव टीस्पून सेंदव मीठ, अर्धा टीस्पून चाट मसाला, मीठ.

अॅव्होकॅडो साल्सा बनवण्याची कृती – दोन्ही अॅव्होकॅडोंना मधून चीर देऊन त्यातील गर एका मोठ्या भांड्यात काढून घ्या. त्यात लिंबाचा रस आणि मीठ घालून मिश्रण कुस्करुन घ्या. आता उर्वरित साहित्य त्यात घालून मिश्रण चांगलं एकजीव करुन घ्या.

फळांचं पाणी बनवण्याची कृती – एका भांड्यात संत्र्याचा रस घेऊन त्यात सगळं साहित्य एकत्र करा.

पाणीपुरी बनवण्याची कृती – पुरीला मध्यभागी छेद देऊन त्यात अॅव्होकॅडो साल्सा भरा. वाटीत संत्र्याचं पाणी देऊन पाणीपुरी सर्व्ह करा.

टिप
० अॅव्होकॅडो काळं पडू नये म्हणून त्या मिश्रणात लिंबाचा रस आवश्य घाला.